發新話題
打印

孕婦 港鐵 用手袋幫老公霸位 網民: 大肚大晒咩?

孕婦 港鐵 用手袋幫老公霸位 網民: 大肚大晒咩?



尋日網上瘋傳一張孕婦在 港鐵 頭等車箱用手袋幫幾個站之後才上車的老公霸位,網民議論紛紛,話大肚唔係大晒!未生出嚟已經咁無品,生咗出嚟之後點教呢?

真心想討論一下搭 港鐵 應有H態度
是咁的,頭先放工搭港鐵打算返屋企,紅磡總站上車,普通等太多人,咁諗住俾貴少少坐頭等,可以坐下休息下啦!
行到入車箱行埋圖中放左手袋嗰個位旁邊時,我就同呢位女士講左聲「唔好意思!」示意想坐低,跟住佢好似講「有人!」不過我聽唔清楚我就「鵅H」左一聲,佢再㩒住個袋話「有人呀!」
我以為自己聽錯就話「鵅H有人?」跟住望下周圍,其實都冇人準備行埋黎坐,不過我都諗住坐左另一個位咪算囉!
點知佢一直都用好討厭H目光啤住我,直至架車去到旺角東,佢電話裡面通話中H老公上車,個男人行埋個位之前仲有個阿嬸想坐落去,不過俾佢👀啤走左!
就係咁,全程車佢都西口西面啤住我,佢老公係咁搓佢個肚問佢乜事🙄🙄🙄佢話冇野!好嬲咩?
其實我想話我都好嬲囉!我都俾足車費搭車架囉!






文章一出後,網民議論紛紛,連媽媽們都看不過眼,紛紛變身鍵盤戰士,批評該位 孕婦 的「惡行」。
Win :大住肚更應該胎教,仲學咩人有BB…..小心生左舊飯出來。
Zoey :我都曾經大肚,但大肚吾係大晒,加上依家巴士火車有得霸位嫁咩,個位你買起左嫁
Ahvi :咁既人生仔 害左個小朋友 咁想坐叫佢同老公坐的士囉 ! 火車就係冇得霸位!
Chau :搭地鐵霸位都聽過 同咁大個男人企下有咩所謂 得你有需要其他人就唔需要? 衰格 最怕見到咁既人
KaBe :無錯,同小朋友去到邊永遠都會提住佢要幫助有需要H人,佢2個將來讀書讀5讀到5重要,行行出狀元,但禮貌德行你一定要學好

TOP

發新話題